İnqilabçı, kubalı lider Fidel Kastronun keçmiş sevgilisi 90 yaşında dünyasını dəyişib.

Axar.az xəbər verir ki, Natalya Revuelta Klevs Havana şəhər xəstəxanasında keçinib. Xarici mətbuatın məlumatına görə, Kastronun keçmiş inqilabçı sevgilisi ötən il insult keçirib.

Cütlük 1952-ci ildə tanış olub. Tanış olduqları vaxt hər ikisi evil olmasına baxmayaraq, sevgili münasibətlərini qoruyub saxlayıblar. Hətta Natalya Revuelta Kastronun həbs müddətində də onunla aktiv yazışıb və bütün pullarını, zinət əşyalarını inqilabi hərəkata bağışlayıb.

Qeyd edək ki, 1956-cı ildə Natalya və Kastronun nikahdankənar qızları Alina dünyaya gəlib. Elə həmin il Kastro, Natalya Revuelta isə 3 il sonra, 1959-cu ildə öz həyat yoldaşından ayrılsalar da, evlənməyiblər. Fidel Kastro sevgilisindən sonra 1980-ci ildə yenidən ailə həyatı qurub. Revuelta isə ömrünün sonuna qədər bir daha nikaha daxil olmayıb.

Xatırladaq ki, Natalya Revuelta Fidel Kastronun "26 iyul hərəkatı"nın üzvü olan "Nati" ləqəbi ilə tanınan məşhur inqilabçı xanımdır.