"Çin 2015-ci ildə müdafiə xərclərini 10 faiz artırmağı planlaşdırır".

Axar.az xəbər verir ki, 2015-ci ildə ölkənin hərbi ehtiyacları üçün 145 milyard dollar xərclənəcək. Çin Milli Xalq Konqresinin sözçüsü Fu Yinq əlavə xərclərin ordunun modernizasiyası üçün istifadə ediləcəyini bildirib:

"Geridə qalanlar zorakılığa düçar olar. Çin tarixdən aldığı dərsi unutmayıb".

Analitiklər Çinin görünməz təyyarə və sualtı gəmilərin hazırlanmasına pul xərclədiyini və hərbi xərclərin əslində açıqlanan rəsmi rəqəmdən daha çox olduğunu bildirirlər.

Çinin müdafiə xərclərini davamlı olaraq artırması isə qonşu ölkələrin narahatlığına səbəb olur. Çin ilə sərhəd məsələsində anlaşa bilməyən Yaponiya da son üç ildir hərbi xərclərini mütəmadi artırır.