Rusiyanın Birləşmiş Millətlər Təşkilatındakı daimi nümayəndəsi Vitali Çurkin ABŞ əsgərlərinin Ukraynaya yerləşdirilməsinə münasibət bildirib.

Axar.az xəbər verir ki, Çurkin bu hadisənin fəlakətlə nəticələnəcəyini açıqlayıb:

"Əldə etdiyimiz məlumata görə, ABŞ Konqresi Ukrayna əsgərlərinin təlimi məqsədilə 1 milyard dollarlıq fond yaradıb. Lvov bölgəsində 300 amerikalı əsgər yerləşdirilir. Bu əsgərlər ABŞ silahlarının istifadəsini ukraynalı əsgərlərə öyrədəcək. Ancaq bunu bilirik ki, ABŞ əsgərləri olduğu yerdə çətinliklər olacaq".

Çurkin Mixail Saakaşvilinin prezident olduğu dövrdə Cənubi Osetiya böhranı ilə əlaqədar bənzər bir addımın atıldığını və 127 ABŞ hərbi məsləhətçinin Gürcüstanda xidmət etdiyini xatırladıb:

"ABŞ əsgərləri Gürcüstana qarşıdurma, qan və qorxu gətirdi. Yalnız məsuliyyətsiz siyasətçilər bu istiqamətdəki ssenarilərin nəticələrini görə bilməz".