Sevgilisinə sadə evlənmə təklifi yerinə sosial medianın imkanlarından istifadə edərək qeyri-adi, kreativ evlilik təklifi edənlər arasına daha biri əlavə olunub.

Axar.az "Deili Meil"ə istinadən xəbər verir ki, ABŞ-da yaşayan Din Smis adlı bir gənc sevgilisi Cenifer Keselə 2014-cü il yanvarın 8-dən bəri hazırladığı bir video ilə evlənmə təklifi edib. Din Smis ilboyu "Mənə ərə gələrsən, Cenifer", "Məni dünyanın ən xoşbəxt kişisi edərsənmi, Cen" və başqa bu tipli yazılar olan vərəqlərlə balaca videolar çəkib sonda onları birləşdirərək evlilik video-çarxı hazırlayıb.

Bir ildən sonra Ceniferin ailəsi və cütlüyün dostlarının olduğu bir məkanda videonu izləyən qız göz yaşlarını saxlaya bilməyərək Dinin evlilik təklifinə müsbət cavab verib.

Qeyd edək ki, video yüklənəndən indiyə qədər 7 milyondan çox insan tərəfindən izlənib.