Bu gün dünyada mafiya baxımından ilk beşliyə daxil olan yapon mafioz qurumunun özünəməxsus sərt qanun və qaydaları var.

Axar.az xarici mediaya əsasən bildirir ki, bugünkü yapon mafiyasının ən qatı cinayətkarları dünyanın siyasi gedişatına birbaşa təsir edən yakudza qruplaşmasıdır.

Yakudza - Yaponiyada cinayət ənənələrini davam edən əsrlərlə kök salmış nəhəng mafiya təşkilatıdır. Maraqlı faktdır ki, bu təşkilat üzvlərinin öz qayda-qanunları və xüsusi adətləri var. Misal üçün, zalımlığı ilə seçilən yakudzanın bədəninə hər öldürdüyü insan üçün xüsusi anlam daşıyan döymə həkk etdirilir. Döyməlin sayı çox olan mafiya üzvü daha çox nüfuz və söz sahibi hesab edilir. Dünyada tanınan bir çox "qanuni oğru" və "avtoritetlərdən" fərqli olaraq, yakudzalar heç bir zaman yalan danışmır. Öz ünvanları və liderlərinin adlarını gizlətmirlər.

Çeçələ barmağı kəsilmiş mafiya üzvü ən təhlükəli və amansız hesab edilir. Bununla belə, yakudzalar dövlət başçıları və siyasi liderlər tərəfindən xüsusi hörmətlə qarşılanır, ziyafətlərdə onlar üçün ən rahat və dəbdəbəli məkanlar ayrılır.