Afroamerikalı Corc Floydun polis tərəfindən öldürülməsindən sonra başlayan nümayişlərdə etirazçılarla polis arasında maraqlı anlar yaşanıb.

Axar.az-ın Teleqraf.com-a istinadən məlumatına görə, ağdərili polis tərəfindən zorakılıqla öldürülən Corc Floyd üçün ədalət tələb edən fəallar və Oklahoma şəhər polisi qarşılıqlı həmrəylik nümayiş etdirərək, diz çöküblər. Tərəflər bir-birinə dəstək olduqlarını bildiriblər. Görüntülər sosial mediada izləmə rekordu qırıb.

Xatırladaq ki, Corc Floyd Minneapolisdə Derek Çauvin adlı polis məmuru tərəfindən dələduzluqda şübhəli bilinərək tutulub və uzun müddət "nəfəs ala bilmirəm" deyə yalvarmasına baxmayaraq, zorakılıqla öldürülüb. Görüntülər ölkədəki qaradərili insanlara qarşı polis zorakılığını təzahür etdirib və bir çox şəhərdə, ilk növbədə Minneapolisdə etirazlara səbəb olub.