16:33

Almaniyanın Lüftanza aviaşirkətinin "GermanWings" havayollarına məxsus Airbus-320 tipli sərnişin təyyarəsinin qəzaya uğraması liderləri hərəkətə gətirib.

Axar.az xəbər verir ki, Düsseldorfdan Barselonaya uçan təyyarədə 144 sərnişin və 6 ekipaj üzvü olub.
Son məlumatlara görə, Fransanın cənubunda Barselonetti bölgəsində baş verən qəzada xilas olan sərnişin olmayıb.

Bu arada Fransa Prezidenti Fransua Olland hadisəni təsdiqləyib. Fransa televiziyasına məlumat verən Olland qəzayla bağlı Almaniya Kansleri Angela Merkel və İspaniya kralı Filip ilə görüşəcəyini bildirib:

"İlkin məlumatlara görə, qəza nəticəsində həyatı xilas olunan sərnişinin olmadığını düşünürük".

22:00

Fransanın cənubunda qəzaya uğrayan Airbus A-320 tipli təyyarənin qara qutusu tapılıb.

Axar.az xəbər verir ki, "The Daily Mirror" müxbiri Endi Layns bu barədə Tvitter hesabında məlumat yayıb.

Fransanın Daxili İşlər naziri Bernar Kaznev bu informasiyanı təsdiq edib. Onun sözlərinə görə, registrator müstəntiqlərə veriləcək.

Xilasedicilər qəza yerindədirlər. Fransa polisi həlak olanların cəsədlərinin çıxarılmasının bir neçə gün çəkə biləcəyini bildirib. Təyyarənin qəzaya uğrama səbəbi dəqiqləşdirilməyib. Pilot təcrübəli biri olub və son uçuşu dünən reallaşmışdı.