18 mart tarixində Tunis muzeyində baş verən faciədə üçüncü cinayətkarın olduğu düşünülür.

Axar.az BBC-yə istinadən xəbər verir ki, 20 vətəndaşın ölümü ilə nəticələnən hadisədə üçüncü bir şəxsin olduğu ortaya çıxıb. Prezident Beji Kaid əs-Səbsi fransız telekanallarından birinə verdiyi müsahibə zamanı açıqlayıb ki, hadisə zamanı qətlə yetirilən iki terrorçudan başqa üçüncü bir cinayətkarın da olduğu qaçılmaz faktdır:

"Üçüncü bir cinayətkarın olduğu aydındır. O qaçıb gizlənir, amma çox uzağa qaça bilməyəcək".

Qeyd edək ki, hadisə yerində iki şübhəli qətlə yetirilib. Hadisə ilə bağlı bir neçə şəxs şübhəli qismində dindirilib.

Xatırladaq ki, 18 mart tarixində parlament binasının yaxınlığındakı muzeydə baş verən faciə zamanı yapon, fransız, ingilis, italyan və kolumbiyalı olmaqla 20 turist dünyasını dəyişib.