ABŞ Dövlət katibliyinin sözçüsü Mariya Harf İsveçrənin Lozanna şəhərindən telekonfrans vasitəsilə brifinqdə çıxış edib.

Axar.az xəbər verir ki, Harf İranın uran anbarını ölkədən xaric etməklə bağlı danışıqlardan geri çəkildiyini yazan ABŞ mediasının məlumatlarını təkzib edib. Mariya Harf bildirib ki, bu anbarların azaldılması və ölkədən çıxarılması haqda danışıqlar hələ də davam edir. O deyib ki, son 24 saatda İranın danışıqlarda istiqamət dəyişikliyinə getdiyi və mövqeyini dəyişməsi kimi məlumatlar həqiqəti əks etdirmir.

Harf bildirib ki, bu mövzu hələ də həll olunmayıb və ən böyük problem də odur ki, İranla hələ də razılığa gələ bilməmişik.