SSRİ-nin adının Ağ Evin Tvitterdə nasizm üzərində qələbəylə bağlı paylaşdığı təbrikdə yer almaması tarixin yenidən yazılması və sovet qüvvələrinin rolunu azaltmaq cəhdləriylə bağlı deyil.

Axar.az xəbər verir ki, bunu ABŞ-ın Rusiyadakı səfiri Con Sallivan deyib.

“Bu paylaşım nasist Almaniyasının məğlubiyyətində iştirak edən bütün ölkələri sıralamaq məqsədi güdmürdü. Əgər belə olsaydı, o zaman mən təkcə Rusiyadan yox, Kanadadan, Fransadan, Britaniya Hərbi Hava Qüvvələrinin tərkibindəki polyak eskadrilyalarından üzr istəmiş olardım. Bu mesajda çoxlu sayda digər ölkələrin adları xatırlanmır”, – deyə o bildirib.

Sallivan nasist Almaniyasının fəaliyyətindən SSRİ qədər heç bir ölkənin zərər görmədiyini deyib.