"Oğlanlarım prezident deyil, onlar heç buna can da atmırlar".

Axar.az xəbər verir ki, bunu Belorus Prezidenti Aleksandr Lukaşenko söyləyib.

O, prezidentlikdə varisliyə qarşı olduğunu bildirib:

"Mən varislərə qarşıyam. Çox istəyirəm ki, məndən sonra tamamilə demokratik seçkilər keçirilsin və məhz burada yaşayan adamların taleyi, eyni zamanda bu torpaq parçası üçün narahat olan şəxs seçilsin. Oğlanlarım prezident deyil, onlar heç bunun üçün can da atmırlar. Əgər onlar bu vəzifədə işləmək istəmirlərsə, onları heç hazırlaşdırmaq da lazım deyil".

Qeyd edək ki, Lukaşenko 1994-cü ildən bəri Belorusun prezidentidir. Növbəti prezident seçkilərinin vaxtı isə avqust ayında açıqlanacaq.