Çin növbəti ildə hərbi büdcəsini 10 % - 141 milyard dollar artıracaq.

Axar.az xəbər verir ki, Çinin hərbi gücünü artırmasından danışan ABŞ-ın Sakit okean üzrə donanmasının sabiq rəhbəri Ceyms Fanell Koreya Xalq Respublikasının müharibəyə hazırlaşdığını bildirib. "Australian" qəzeti yazır ki, Çin ABŞ-dan sonra hərbi sahədə ikinci ən böyük bədxərc ölkədir. ABŞ kimi Çində də dünyada təhlükəsizliyi təmin etmək üçün öhdəliklər var. Ancaq Çin ABŞ-dan fərqli olaraq heç kəsi müdafiə etmir, yalnız özü üçün çalışır. Belə olan halda Çinin hərbi xərcləri sürətlə artırması anlaşılan deyil.

Fanell də hərbçilərə müraciətində Çinin müharibəyə hazırlaşdığını, qarşısının alınmayacağı halda müttəfiqlərin sabitliyinin pozulacağını qeyd edib.

Brüssel Universitetinin professoru Conatan Xolslaq hesab edir ki, Çinin qonşuları onun ambisiyaları ilə barışmalıdır. ABŞ heç vaxt həmin bölgəni tutmağa malik deyil. Bu səbəbdən də xoşagəlməz hadisələrlə qarşılaşmaq olar və bu, tez bir zamanda baş verə bilər. Xolslaq Çin və ABŞ arasında faciəvi müharibənin olmayacağını, ancaq iki ölkə arasında uzun müddət gərginliyin hökm sürəcəyini, rəqabətin illərlə davam edəcəyini vurğulayıb. Ekspertin fikrincə, Çin 1945-ci ildən sonra qurulan dünya nizamını pozmaq istəyir. Buna görə o, Asiyada müharibə proqnozlaşdırır.