ABŞ İrana yeni sanksiyalar tətbiq edib.

Axar.az xəbər verir ki, bu məlumatı ABŞ Dövlət katibi Mayk Pompeo yayıb. O, yeni sanksiyalar sayəsində İrana metal və nüvə raketi, eləcə hərbi proqramlarda istifadə ediləcək materialların tədarükünün məhdudlaşdırılacağını bildirib:

“Bu gün Dövlət Departamenti nüvə, hərbi və ya ballistik raket proqramlarında istifadə edilən 22 konkret materialı müəyyən edib. Bu materialları bilərəkdən İrana verənlər sanksiya altına düşəcəklər”.

Pompeo bununla bərabər İrana tikinti materiallarının tədarükünün dayandırılacağını söyləyib.

Dövlət katibi bu addımı SEPAH-ın tikinti sektorunu nəzarət altına almasıyla əlaqədar atdıqlarını deyib.