19:24

İsrail və Birləşmiş Ərəb Əmirlikləri (BƏƏ) ikitərəfli əlaqələrin tam normallaşdırılması ilə bağlı razılığa gəlib.

Axar.az xəbər verir ki, bu barədə ABŞ Prezidenti Donald Tramp Tvitter səhifəsində yazıb.

“İsrail-BƏƏ sülh razılaşması böyük irəliləyişdir. İndi regionda bənzər müqavilələrin imzalanacağını gözləyirik”, - deyə Ağ Ev rəhbəri bildirib.

***

İsrail Baş naziri Benyamin Netanyahu BƏƏ ilə imzalanan sülh müqaviləsi barədə açıqlama verib.

O, “sülhə qarşılıq sülh” əsasında razılığa gəldiklərini, bu müqavilənin ticarət, turizm və aviasiya sahəsini əhatə etdiyini bildirib.

İordan çayının qərb sahilinin ilhaqı ilə bağlı isə baş nazir bildirib ki, bu yöndə plan ABŞ-la koordinasiyalı şəkildə davam etdiriləcək:

“İlhaq planımızda hər hansı dəyişiklik yoxdur. ABŞ Prezidenti Donald Trampın ilhaq planını müvəqqəti olaraq təxirə salınması tələbini qəbul etdim”.