Çinin Quanqdonq əyalətində yerləşən Şhenzen şəhərinin rəsmiləri Braziliyadan gətirilən toyuq qanadlarında edilən koronavirus (COVID-19) sınağının müsbət olduğunu açıqlayıb.

Axar.az xəbər verir ki, səlahiyyətli şəxslər iyundan bəri Braziliyadan gətirilən ət və dəniz məhsulları üzərində koronavirus testi etdiklərini bildirib.

Nəticədə dondurulmuş toyuq qanadlarında koronavirusun olduğu müəyyənləşib.

Hadisədən sonra məhsulların saxlanıldığı ərazidə çalışanlara edilən koronavirus testinin mənfi olduğu qeyd edilib. Həmçinin toyuq məhsullarının yerləşdirildiyi yerdə digər qidalarda edilən testlərin mənfi nəticələr verdiyi deyilib.