Türkiyə heç vaxt siyasi oyunlara alət ediləcək bir ölkə deyil.

Axar.az xəbər verir ki, bunu Türkiyə Prezidenti Administrasiyasının İctimaiyyətlə əlaqələr şöbəsinin rəhbəri Fəxrəddin Altun deyib.

“İnanırıq ki, ABŞ prezidentliyinə namizədin diplomatiyada heç bir yeri olmayan bu ifadələri hazırkı rəhbərlik tərəfindən qəbuledilməz hesab olunur. Bütün bunlarla bərabər, Türkiyə müxalifətinin onları alçaldan və millətimizin ağlında şübhələr yaradan bu açıqlamaya reaksiya verməməsi təəssüf doğurur. Ancaq bu, bizim üçün təəccüblü deyil. Türkiyə demokratik siyasi mühitinin belə bir məsuliyyətsiz açıqlamalarla pozulmasına yol verməyəcək”, - F.Altun bildirib.

Qeyd edək ki, ABŞ prezidentliyinə namizəd Co Bayden Ərdoğana qarşı müxaliflər və terrorçuların dəstəklənməsinin vacibliyini vurğulayıb.