Səddam Hüseyn dövründə vitse-prezident olmuş İzzət İbrahim əl-Duri öldürülüb.

Axar.az xəbər verir ki, Həşd-Şabi ordusunun keçirdiyi əməliyyat nəticəsində Səlahəddin vilayətinin Həmrin rayonunda sabiq vitse-prezident qətlə yetirilib. O, İŞİD-ə qoşulubmuş.

Əl-Duri 1974-1979-cu illərdə İraqın Daxili İşlər naziri, 1979-2003-cü illərdə İnqilab Şurası Komandanlığının müavini, 1991-2003-cü illərdə isə BƏƏS Partiyasının katibi olub. 2003-cü ildə Səddam Hüseynin devrilməsindən sonra əl-Duri gizlənirdi. İraqın Səddam Hüseyn dövründə işləyən məmurlarının ABŞ tərəfindən axtarış siyahısında 6-cı yerdə olub. O zaman onun başına 10 milyon dollar mükafat qoyulmuşdu.