17:44

Rusiya hərbçiləri ilk dəfə TOS-2 ağır raket sistemini sınaqdan keçiriblər.

Axar.az xəbər verir ki, sınaq atışı Qafqaz-2020 strateji təlimləri çərçivəsində Həştərxan vilayətinin Kapustin Yar poliqonunda baş tutub.

Rusiya Müdafiə Nazirliyindən verilən məlumata əsasən, yeni raket şərti düşmənin zirehli kolonunu məhv etməyə müvəffəq olub.

Putin təlimləri izləmək üçün əraziyə gəlib. Rusiya Silahlı Qüvvələrinin Baş Qərargah rəisi Valeri Gerasimov Vladimir Putinə ən yeni “Terminator” PDM-i haqda məlumat verib.

Daha sonra Putin S-400 zenit-raket komplekslərinin atışını və Su-24 təyyarələrinin kəşfiyyat uçuşlarını izləyib.

Qeyd edək ki, hərbi təlimlərdə yalnız Rusiyadan 80 min hərbçi iştirak edir.