Ermənistan enerji və təhlükəsizliyini Rusiyaya bağışlayan, xalqını aclıqla mübarizə içinə atan oyuncaq dövlətdir.

Axar.az xəbər verir ki, bunu Türkiyə-Azərbaycan Dostluq Qrupunun rəhbəri Şamil Ayrım deyib.

O bildirib ki, Ermənistanda iqtisadi-sosial vəziyyət bərbad olduğu üçün xalq ölkəni tərk edir:

“Ermənistan Silahlı Qüvvələri əsgərliyə gedəcək gənc tapa bilmir. İrəvan son hücumları ilə strategiyasını dəyişdirdi. Arxasındakı qüvvələrə inanaraq, Azərbaycan torpaqlarını işğal etmək üçün hücuma keçdi. Buna baxmayaraq, Azərbaycanın yanında Türkiyə dayanıb”.

Ş.Ayrım qeyd edib ki, Paşinyan rəhbərliyi hakimiyyətə gələn vaxt Dağlıq Qarabağ münaqişəsini sülh yolu ilə həll edəcəyini bildirmişdi:

“Ancaq işlər dediyi kimi olmadı. Daxili siyasətdə vəziyyətini zəiflətməmək üçün millətçi ünsürlərlə əməkdaşlıq etdi. Danışıqlara zərbələr endirdilər. Paşinyanın Dağlıq Qarabağla bağlı açıqlamaları isə hadisələri daha da alovlandırdı”.