İspaniyanın keçmiş monarxı Xuan Karlosun alman aristokratı Korin Çu Saynvitqenşteynlə 10 il müddətində eşq macərası yaşadığı üzə çıxıb.

Axar.az xəbər verir ki, bu sensasiyalı xəbəri "El Mundo" qəzetinin keçmiş müxbiri Ana Romero "Final de Partida" kitabının təqdimat mərasimində söyləyib.

Onun sözlərinə görə, Xuan Karlosla alman aristokratı arasında eşq macərası kral taxtdan uzaqlaşana qədər davam edib:

"Onların münasibəti kralın taxtdan uzaqlaşmasından sonra bitib. 77 yaşlı monarxın cazibədar sarışına qarşı hisləri o qədər ehtiraslı olub ki, o hətta kraliça Sofiya ilə ayrılmaq barədə də düşünürmüş. Lakin kralın yaxınları onu bu addım atmaqdan çəkindirməyə müvəffəq olublar".