"Tarix Avropa əsgərlərinin Səlib yürüşləri dövründə Qüds və Şamda törətdiyi qırğınları unutmayıb".

Axar.az xəbər verir ki, bu sözlər "Dünya Müsəlman Alimləri" birliyinin rəhbəri Yusif Əl-Karadavinin yaydığı bəyanatda yer alıb. O 1915-ci il hadisələri ilə bağlı Türkiyə əleyhinə keçirilən kampaniyanı və "soyqırım" şərhlərini qınayıb:

"1915-ci il hadisələri ilə bağlı arxivlərin açılması barədə Türkiyənin dəvətinin qəbul edilməməsi erməni iddialarının əsassız olduğunun ən böyük sübutudur. İşğal etdikləri torpaqlarda insanları öldürənlərin ermənilər üçün gözyaşı tökmələri olduqca qəribədir. Tarix Avropa əsgərlərinin Səlib yürüşləri dövründə Qüds və Şamda törətdiyi qırğınları unutmayıb. Yaxın tariximiz isə İsrail tərəfindən müdafiəsiz Fələstin xalqına qarşı törədilən qırğınlara şahidlik edir".