Çeçenistan Prezidenti Ramzan Kadırov müxalif siyasətçi Boris Nemtsovun qətlilə bağlı ifadə verməyə hazır olduğunu deyib.

Axar.az xəbər verir ki, Kadırov "Qovorit Moskva" proqramının efirində bunları bildirib:

"Mən məmnuniyyətlə ifadə verməyə hazıram. Nə problem var ki! Üstəlik də bunu Nemtsovun uşaqları tələb edirsə".

Kadırovun məhkəməyə çağırılmasını Nemtsovun vəkilləri tələb ediblər. B.Nemtsov fevralın 27-də Moskvadakı Bolşoy Moskvoretski körpüsündə qətlə yetirilib. Onun ölümü ilə bağlı 5 çeçen həbs edilib. Onların sözlərinə görə, Nemtsovla Kadırov arasında uzunmüddətli ixtilaf qətlin motivi ola bilərdi.