Nepalın paytaxtı Katmandunun yaxınlığında baş verən 7,9 bal gücündəki zəlzələ dünyanın ən yüksək dağı Everesti bir neçə santimetr qısaldıb.

Axar.az xəbər verir ki, bu barədə ABŞ-ın "Huffington Post" saytı Avropa Kosmik Agentliyinin Sentinel-1A peykinin məlumatlarına əsasən yazıb.

Sayt zəlzələdən sonra Everest dağının yüksəkliyinin 2,50 santimetrə qədər qısaldığını bildirib. Zəlzələ nəticəsində Himalaydakı Annapurna dağ qrupunun yüksəkliyinin isə 20 santimetrə qədər böyüdüyü açıqlanıb.

Qeyd edək ki, aprelin 25-də Katmandu yaxınlığında 7,9 bal gücündə zəlzələ olub. Zəlzələ nəticəsində ölənlərin sayı 7 mini ötüb.