Ana səhifə Planet |
"ABŞ-ın İŞİD-ə qarşı yaratdığı koalisiya öncə İraqı, sonra isə bütün bölgəni etnik və dini məzhəbə bölməyi hədəfləyir".
Axar.az xəbər verir ki, bu açıqlama ilə Hizbullah lideri Həsən Nəsrullah çıxış edib. O, ABŞ Konqresində Respublikaçılar tərəfindən gündəmə gətirilən İraqdakı peşmərgə və sünni qrupları silahlandırma təklifinə reaksiya verib:
"ABŞ-ın İŞİD-ə qarşı yaratdığı koalisiya öncə İraqı, sonra isə bütün bölgəni etnik və dini məzhəbə bölməyi hədəfləyir. ABŞ bu metoddan istifadə etməklə region ölkələrini zəiflədəcək və bir-biri ilə müharibəyə təhrik edəcək. İraqın bölünməsi üçün atdıqları ilk addım isə Konqresin İraqdakı qrupları silahlandırma qərarıdır. Yəməni, İraqı, Suriyanı və bütün bölgə ölkələrini bölmək istəyirlər. Hətta ABŞ özü ilə müttəfiq olanları da böləcək. Gün gələcək, Səudiyyə Ərəbistanını da parçalayacaqlar".
Qeyd edək ki, ABŞ Konqresinə İraqda peşmərgə və sünni qrupları silahlandırmaq barədə qanun layihəsi təqdim edilib.
Tarix
2015.05.06 / 14:39
|
Müəllif
İlham Sahiloğlu
|