ABŞ sakinləri bütün dünyada ciddi endirimlərin olduğu “Qara cümə”də internet-dükanlardan 9 milyardlıq alış-veriş edib.

Axar.az xəbər verir ki, bu, rekord məbləğ sayılır. Müqayisə üçün bildirilib ki, 2019-cu ildə 7.4, 2018-ci ildə isə 6,2 milyardlıq bazarlıq edilib.

Alış-verişdə ən çox mobil aparatlara və məişət texnikasına üstünlük verilib.

Qeyd edək ki, “Qara cümə” anlayışı 1932-ci ildə ABŞ-da yaranıb və bir neçə il sonra bütün dünyada məşhurlaşıb. Belə ki, ABŞ-da hər il noyabr ayının dördüncü cümə günü milad alış-veriş mövsümünün başlanğıcı kimi qəbul olunur.

“Qara cümə”ni önəmli edən əsas məqam məhz bu tarixdə mağazalarda əksər məhsullara böyük endirimlərin tətbiq edilməsidir.