İtaliyada gələn həftə keçiriləcək yerli seçkilərdə İtaliyanın Qardaşları (Fratelli d`İtalia) partiyasından namizəd olan, Venesiya ilə Veronanı əhatə edən Veneto bölgəsinin nümayəndəsi Adelina Putin Rusiya lideri Vladimir Putinlə eyni soyadı daşımasını fürsət bilərək gələcək siyasi karyerası üçün bundan istifadə edir.

Axar.az xəbər verir ki, Dj-lik edən və radio proqramları aparan, eyni zamanda döymələri ilə diqqət çəkən və italyan mətbuatı tərəfindən "Putinin seksi əmisi qızı" adlandırılan Adelianın artıq seçim şüarı da hazırdır: "Putinə səs vermək istəyirsinizsə, artıq verə bilərsiniz".

Putin uzaq qohumumdur

Adelinaya görə, bu soyad oxşarlığı təsadüfi deyil. Çar Pyotrun 18-ci əsrdə Peterburqun inşa edilməsi üçün Venetodan ustalar apardığını xatırladan Adelina italyan mətbuatına verdiyi açıqlamada Putinin uzaq əmisi qızı olduğunu iddia edib: "Soyadımı lap əvvəldən sevirdim, amma Vladimir Putin siyasi səhnəyə çıxandan sonra daha da sevməyə başladım. Daha sonra qohumlarım və mən Putinlə qohumluq bağımızın olduğunun fərqinə vardıq".