Bayden vəzifəyə başlayacağı ilk 100 gün ərzində maskalardan istifadə, peyvənd və məktəblərin açılmasına böyük önəm verəcək.

Axar.az xəbər verir ki, bunu türkiyəli jurnalist Cansu Kufeli qələmə aldığı "ABŞ-ı nələr gözləyir?" adlı məqaləsində bildirib.

C.Kufeli qeyd edib ki, ilk 100 gün ərzində Bayden 100 milyon koronavirus əleyhinə peyvəndin istehsal edilməsini planlaşdırır:

"Əgər Konqres koronavirusla mübarizə büdcəsini təsdiq edərsə, məktəblərin əksəriyyəti ilk 3 ay ərzində açılacaq".

Türkiyəli jurnalist Baydenin beynəlxalq arenada Obamanın yolunu davam etdirəcəyinin gözlənildiyini deyib:

"Bayden ABŞ-ın müttəfiqləri ilə münasibətlərində inamı bərpa etməyə çalışacaq. O, böyük ehtimalla islahat metoduna baş vuracaq".