İngiltərə şahzadəsi Harrinin bir aylıq səfəri Avstraliyaya təxminən 115 min dollara başa gəlib.

Axar.az xarici mətbuata istinadən xəbər verir ki, şahzadənin təkcə içdiyi su və enerji içkilərinin min dollara tapıldığı bildirilib.

30 yaşlı şahzadə Avstraliya səfəri zamanı xalqın içinə çıxmayıb. Xəbərlərə görə, şahzadənin qaldığı məkanlar üçün 10 min, benzin üçün 4 min, təhlükəsizliyi üçünsə 13 min dollar xərclənib. Ən böyük xərc isə şahzadənin hər hansı təhlükə vaxtı təcili uzaqlaşdırılması üçün gözlədilən tibbi avadanlıqlarla təchiz olunmuş təyyarəyə çəkilən 76 min dollar olub.

On illik hərbi xidmətdən sonra vəzifəsindən uzaqlaşmağa qərar verən şahzadə Harri Avstraliya səfəri əsnasında son dəfə avstraliyalı əsgərlərlə ortaq təlim keçib. Şahzadənin daha əvvəl bir günlük səfəri də Avstraliya hökumətinə 150 min dollara başa gəlmişdi.

Xatırladaq ki, Avstraliya keçən il İngiltərə Baş naziri Devid Kamerun və yapon lider Şinzo Abenin də yer aldığı xarici dövlət adamlarının ölkəyə ziyarəti əsnasına 1.8 milyon dollar xərc çəkmişdi.