Türkiyə müdafiə sənayesinin hədəfləri sırasında Banqladeş də var.

Axar.az xəbər verir ki, bu barədə Defence.com nəşrində məlumat dərc olunub.

Nəşr qeyd edir ki, ötən ilin dekabrında XİN başçısı Mövlud Çavuşoğlu Banqladeşə Türkiyə səfirliyinin açılış mərasimində iştirak etmək üçün səfər edib. Səfər zamanı nazirin Banqladeşə Türkiyənin 2030-cu il sənaye hədəfləri daxilində işbirliyi təklif etdiyi iddia olunur. Belə ki, Çavuşoğlunun banqladeşli rəsmilərə hərbi texnikaları əlverişli qiymətə təklif etdiyi bildirilib. Eləcə də satılacaq texnikalardan istifadəyə hər hansı şərt qoyulmayacağı iddia olunub.

Məlumata görə, Banqladeş PUA-lar, hücum helikopterləri, hava hücumundan müdafiə sistemləri, zirehli texnika, artilleriya sistemləri, hərbi gəmilər, elektron döyüş sistemləri, radio rabitə vasitələri ilə maraqlanıb.