Belarus Prezidenti Aleksandr Lukaşenko yanvarın 23-də Rusiyada keçirilən qanunsuz aksiyaları Belarus mitinqləri ilə müqayisə edib.

Axar.az xəbər verir ki, bu barədə yerli KİV məlumat yayıb.

Lukaşenkonun sözlərinə görə, Belarus hadisələrinin Rusiya aksiyaları ilə əsas fərqi Belarusda "blitskriq"in keçirilməsi idi:

“Məqsəd dərhal hakimiyyəti devirmək və ya buna oxşar mənzərəni yaratmaq idi. Bundan sonra NATO qoşunlarının respublikamıza yeridilməsi nəzərdə tutulurdu”.

Belarus lideri əmindir ki, Rusiyada "blitskriq"in keçirilməsi mümkün deyil.

Lukaşenko deyib ki, ABŞ, AB, həmçinin Rusiya liberalları Putinə ölkəsində müharibəni dayandırmasını və onu “bir yerə yığması”nı bağışlamayacaq. Belarus liderinin sözlərinə görə, rusiyalı həmkarı buna hazır olmalıdır.