Türkiyədəki 7 iyun parlament seçkiləri ilə bağlı bu ehtimallar olduqca ciddidir.

Axar.az xəbər verir ki, bu açıqlama ilə politoloq Fərhad Mehdiyev çıxış edib. O, seçkiöncəsi partiyaların səsləri bağlı çox mühüm detalları açıqlayıb:

"1. Kürdlərin səsi olmasa, AKP tək partiya hökuməti qura bilməyəcək. Bu səbəblə də onların səsini almağa məhkumdur.

2. Kürdlər isə siyasi bazarlıq olmadan AKP-yə səs verməyəcəklər. Bu bazarlığın predmeti ən azı Cənub-şərqi Anadolunun özərkliyi, ya da federal quruluşdur.

3. AKP bu bazarlığa getməyəcək. Bunun səbəbi ondadır ki, Cənub-şərqi Anadoluda iki partiya qazana bilər - ya AKP, ya da HDP. CHP və MHP-nin ordan səs alması mümkün deyildir.

4. Bu vəziyyətdə kürdlər səslərini əsasən HDP-yə verəcəklər. Çünki necə olsa, onlara ən yaxın partiya AKP-dir, barajı keçsələr, öz adamlarını çıxaracaqlar, barajı keçə bilməsələr, onların səsi AKP-yə gedəcək".

Politoloq həmçinin onu da bildirib ki,Türkiyənin gələcəyi kürdlərin seçkilərdə verəcəyi səslərdən çox asılı olacaq:

"Kürdlərin səsi bu seçkilərdə Türkiyənin gələcəyini həll edəcək. HDP seçilərsə, Türkiyədə koalisiya hökuməti qurulacaq və Ərdoğanın planları gecikəcək. HDP seçilməsə, Türkiyədə hakimiyyətə bir başqanlıq sistemi və tək adam sistemi gələcək".