İranda sabiq prezident Əli Əkbər Haşimi Rəfsəncaninin oğlu Mehdi Rəfsəncani haqda məhkəmə hökm çıxarıb.

Musavat.com-un verdiyi xəbərə görə, eks-prezidentin oğlu rüşvətxorluqda, dövlət vəsaitlərinin mənimsənilməsində, dələduzluqda və dövlət təhlükəsizliyini pozmaqda suçlu bilinırək 10 il azadlıqdan məhrum edilib.

Mehdi Rəfsəncani 2012-ci ildə həbs edilmiş, lakin 3 aylıq həbs müddətində hüquq-mühafizə orqanları əməkdaşları tərəfindən dindirildikdən sonra azadlığa buraxılmışdı. Lakin o vaxtdan təhqiqat dayanmamışdı. Ötən ilin avqustunda isə onun işinə İran İnqilab Məhkəməsi baxmağa başlayıb.

Dinləmələr qapalı rejimdə aparılıb.