İran Vyanada keçirilən nüvə danışıqlarının perspektivlərini nəzərdən keçirəcək.

Axar.az xəbər verir ki, bunu İran nümayəndə heyətinin rəhbəri, xarici işlər nazirinin müavini Abbas Araqçı danışıqların nəticələri barədə açıqlamasında deyib.

“Ekspertlər səviyyəsində təşkil olunan görüşlərin nəticələrini qiymətləndirərək, danışıqların davam etdirilməsi və belə olacağı halda necə davam etdiriləcəyi barədə qərar veriləcək”, - nazir müavini bildirib.

Qeyd edək ki, A.Araqçı bir müddət əvvəl rəsmi Tehranın sonsuz danışıqların aparılmasında maraqlı olmadığını ifadə edib. Həmçinin bildirib ki, İran nümayəndə heyəti konkret nəticələr gözlənilmədiyi təqdirdə, danışıqları dayandıra və Vyananı tərk edə bilər.