Avropa Şurası Parlament Assambleyasının (AŞPA) Aleksey Navalnı məsələsində Rusiyaya təzyiq göstərmək cəhdləri Rusiyanın daxili işlərinə müdaxilə kimi qəbul ediləcək və Moskvanın bu təşkilatla əməkdaşlığına təsir göstərəcək.

Axar.az xəbər verir ki, bu sözləri Rusiya Dövlət Dumasının Beynəlxalq əlaqələr komitəsinin sədri Leonid Slutski Teleqram hesabında yazıb.

"AŞPA yaz sessiyasının açılışında Aleksey Navalnının məsələsinə təcili debatlar formatında baxılmasını təsdiqlədi. Müzakirə 22 aprel iclasında baş tutacaq", - Slutski bildirib.

Slutski deyib ki, bütün bunlar Rusiyanın məhkəmə sisteminə təzyiq göstərmək cəhdindən başqa bir şey deyil.