Ana səhifə Planet |
Dünən Yunanıstan böhranı ilə bağlı baş tutan Brüssel görüşü növbəti dəfə də uğursuz keçib və son təkilflər Avropa qurumları tərəfindən narazılıqla qarşılanıb.
Axar.az xəbər verir ki, görüşün ardından Yunanıstanın Baş naziri Aleksis Çipras mətbuata açıqlamasında hökumətin yunan xalqının iradəsi ilə hərəkət etdiyini və demokratiyanı doğulduğu torpaqlarda boğmağa heç kimin haqqı olmadığını deyib:
"Avropa Yunanıstanın təkliflərini qəbul edənə qədər gözləyəcəyik. Məmur və pensiya haqlarının yenidən azaldılması ilə bağlı qərar siyasi anlam daşıyır. Qurumlar reallığı görənədək səbr edəcəyik".
Almaniyanın Maliyyə nazirinin sözcüsü Martin Jaeger isə zamanın daraldığını bildirib:
"Top artıq Yunanıstan tərəfindədir. Zaman çox daralıb. İyunun 18-də hər şey bəlli olacaq. Mövcud maliyyə şərtləri daxilində 7,2 milyardlıq kredit məsələsi həll edilməli və Yunanıstan kreditorlarla sonuna qədər anlaşmalıdır. Əks təqdirdə Yunanıstan önümüzdəki aylarda borc öhdəlikərini yerinə yetirə bilməyəcək".
Tarix
2015.06.15 / 22:58
|
Müəllif
Aygün Yusibova
|