"NATO-nun postsovet məkanında ağır texnika yerləşdirməsi beynəlxalq qanunvericiliyin pozulmasıdır".

Axar.az xəbər verir ki, bu açıqlamanı Rusiya Xarici İşlər Nazirliyi yayıb.

Nazirliyin məlumatına görə, ABŞ bu planı qısa zaman ərzində yekunlaşdırmağı nəzərdə tutub:

"Söhbət Bolqarıstan, Latviya, Litva, Polşa, Rumıniya, Estoniya və Macarıstanda 250 ədəd tank, "Bredli" markalı PDM və artilleriya sistemlərinin olduğu təxminən 1200 ədəd hərbi texnikadan gedir. Bu, tərkibində 5000 nəfər şəxsin olduğu alayın silahlanması üçün kifayətdir. Gözlənilir ki, bu planlar qısa zaman ərzində yekunlaşdırılsın. NATO-Rusiya arasında 1997-ci ildə imzalanmış akta əsasən Şimali Atlantika Bloku adı çəkilən ölkələrdə daimi şəkildə göstərilən hərbi qüvvələrin yerləşdirilməməsi ilə bağlı üzərinə öhdəlik götürüb".

Qeyd edək ki, bir müddət öncə Amerika mətbuatı postsovet məkanında ağır texnikanın yerləşdirilməsi ilə bağlı informasiya yaymışdı.