Rusiyaya qarşı neft embarqosu praktik olaraq mümkünsüzdür.

Axar.az xəbər verir ki, bunu “Lukoyl”un vitse-prezidenti Leonid Fedun deyib. Onun sözlərinə görə, Rusiya neftinin alışından imtina İranla bağlı yaranan situasiyaya bənzər olacaq və dünya iqtisadiyyatına ciddi zərbə vuracaq:

“Rusiya praktik olaraq dünya neft istehsalının 10%-ni təmin edir. Bu nefti enerji daşıyıcıları bazarında partlayışsız əvəz etmək mümkün deyil. Belə embarqo az inandırıcıdır, ona görə ki, bu, bütün iqtisadi sistemi silkəyəcək”.

Qeyd edək ki, hazırda Rusiya neft hasilatına görə ABŞ-dan sonra ikinci yeri tutur. Onun gündəlik hasil etdiyi 10,46 milyon barrel neftin 5 milyonu ixraca yönəldilir.