Rusiya Türkiyənin addımını dəstəkləməyəcək.

Bu sözləri Axar.az-a açıqlamasında rusiyalı politoloq Konstantin Kalaçev söyləyib.

Onun sözlərinə görə, Rusiya özünü manevr imkanlarından məhrum edib:

"Biz ritorika və real işi ayırmalıyıq. Türkiyə hazırda Rusiyaya çox lazımdır. Rusiya özü-özünü manevr imkanlarından məhrum edib. Türkiyə və İordaniyanın iştirakı ilə Suriya ərazilərinə nəzarət etməklə burada bufer zonasının yaradılması çox güman ki, sülhün əldə olunması üçün yeganə imkandır. Bu, İŞİD-ə qarşı sözdə mübarizədən daha effektlidir. Rusiya Türkiyənin bu addımına qarşı həddən artıq qəzəbli yanaşacaq, həm də onunla bu işdə əməkdaşlığa getməyəcək".

Qeyd edək ki, bundan öncə mətbuatda Türkiyənin Suriyanın şimalına ordu yeridəcəyi və burada neytral zona yaradacağı haqqında informasiya yayılmışdı.