Hazırda PYD və rejim İranı Suriyanın işğalına sövq etmək üçün eyni mövqeni paylaşırlar.

Axar.az xəbər verir ki, bu açıqlama ilə Kürd-İslam cəbhəsinin lideri Abdullah Əl Kürdi çıxış edib.

O, PKK-nın Suriya qolu PYD-nin kürdlərə qarşı törətdiyi qətliamlardan söz açıb:

"PYD Afrin, Qamışlı, Amudə və Konbanidə küçələrə çıxan kürdlərə qarşı qətliamlar törədib. Əsədə qarşı etirazlar da məhz PYD tərəfindən yasaqlanıb. PYD ondan bir alət kimi istifadə edilməsinə şərait yaratdı. İndi də rejimlə əlbir olaraq İranı Suriyanın işğalına sövq etmək istəyirlər. Dünyada bütün kürdlərin PYD-li olduğunu düşünənlər yanılır. PYD-nin bir qolu YPG ərəb və türkmənlərin olduğu bölgədə təmizləmə siyasəti apararaq onları Türkiyə, İraq və Avropaya köçməyə məcbur edirlər. Niyə heç kim bundan danışmır? Kürdlərin dəyəri bu qədərmi ucuzdur? Xalqımız üzərindən bu zülmü qaldırana canımız bahasına dəstək verməyə hazırıq. Bizlərə hər zaman sahib çıxan Türkiyə hökumətinə isə minnətdarıq".