Çində 500 mindən çox internet istifadəçisi gələcək epidemiyaların qarşısının alınması üçün ABŞ-ın Fort Detrik hərbi bazasındakı bioloji laboratoriyanın yoxlanılması tələbi ilə Ümumdünya Səhiyyə Təşkilatına (ÜST) açıq məktub ünvanlayıb.

Axar.az xəbər verir ki, bu barədə Çinin “Global Times” qəzeti məlumat yayıb.

Məktubda ABŞ-ın Merilend ştatındakı Fort Detrik hərbi bazasında yerləşən ABŞ ordusunun Yoluxucu Xəstəliklər Tibbi Tədqiqat İnstitutunda Ebola, SARS, MERS, çiçək kimi təhlükəli və yoluxucu virusların olduğu iddia edilir. Bunlardan hər hansı birinin sızmasının ciddi nəticələrə səbəb ola biləcəyi vurğulanır.