İngiltərənin Birmingem şəhərində məşhur HSBC bankının işçiləri İŞİD yaraqlılarını təqlid edərək edam videosu çəkib sosial şəbəkədə paylaşdıqlarına görə işdən qovulublar.

Axar.az xəbər verir ki, yeddi saniyəlik videoda İŞİD yaraqlıları kimi geyinən işçilərin güldükləri eşidilir. Adının Saf Əhməd olduğu öyrənilən bank işçisi isə geydiyi narıncı edam köynəyi ilə diz çökdürülür.

İnstəqrama yüklənən video daha sonra silinib, amma bir müddət sonra The Sun (Günəş) qəzeti videodan xəbər hazırlayıb.

Bank hadisədən sonra belə açıqlama verib: "Bu tip davranışa tolerant yanaşmayacağıq". Üzr istəyən bank videoda olan 6 nəfərin dərhal işdən çıxarıldığını da qeyd edib.