Dörd ölkə 4×4 təkər formullu “Yörük” zirehli maşınını satın almaq istəyir.

Axar.az xəbər verir ki, bunu zirehli müharibə maşını istehsalçılarından olan “Nurol Makina” şirkətinin vitse-prezidenti Anıl Karel deyib.

“Pandemiya ilə bağlı satışda məhdudiyyətlər yaranmışdı. Artıq bəzi ölkələr məhdudiyyətləri qismən aradan qaldırmağa başlayıb. Buna görə də satış üçün yeni təkliflər var. Hazırda 4 ölkə “Yörük” zirehli maşınını satın almaq istəyir. Cari il ərzində bu ölkələrə maşınları təslim edəcəyik. Pikap üçün lazım olan hazırlıqları tamamlayaraq gələn il kütləvi istehsala başlamağı hədəfləyirik”, - vitse-prezident bildirib.