Amerikanın ilk yerli sakinləri Sibirdən köç edən insanlar olub.

Axar.az xəbər verir ki, bu iddia ilə Kaliforniya Universitetinin alimləri çıxış ediblər.

Mütəxəssislərin apardığı araşdırmaya əsasən, Amerikanın ilk sakinləri olan Sibir köçkünləri son buz dövründə burada məskunlaşıblar. Bundan sonra onlar Alyaskaya, bir neçə minillikdən sonra isə Şimali və Cənubi Amerikaya yayılıblar.

Xatırladaq ki, Amerika sakinlərinin Altay-Sibir ərazisindən köçən prototürklər olması barədə uzun illərdir müzakirə edilən versiya mövcuddur. Ehtimal edilir ki, Berinq boğazı sonradan yaranıb və Alyaska ilə Avrasiya arasında quru yolu olub. ABŞ hindularının adət-ənənə baxımından türklərə yaxın olması və dini inanc və rituallarının şamanizmdən təsirlənməsi bu versiyanın irəli sürülməsində əsas zəmin sayılır.