ABŞ Arktikada resursların inkişaf etdirilməsində Rusiyadan xeyli geri qalıb.

Axar.az xəbər verir ki, bu barədə Arktik Araşdırma Komissiyasının keçmiş üzvü Tomas Dansın nüfuzlu "Hill" nəşrində yayılan məqaləsində bildirilib.

O qeyd edib ki, Soyuq müharibəni qazansalar da, "Buz savaşı"nda məğlub olurlar:

"ABŞ-dan fərqli olaraq, Rusiya Arktika bölgəsində fəaliyyətini yüksək templə davam etdirib. Bu fəaliyyət isə gələcəkdə Moskvaya böyük gəlirlər verəcək".

Arktikada Ağ Evin infrastrukturu üçün maliyyələşdirilməni qeyri-kafi hesab edən Dans Rusiya donanmasının üstünlüyünə diqqət çəkib və Rusiyanın daha çox nüvə buzqıranlarına sahib olduğunu vurğulayıb.