Dünyadakı iqtisadi təsir üçün avtoritar rejimlərə qarşı mübarizədə demokratik ölkələr qalib gəlməlidir.

Axar.az xəbər verir ki, bunu İngiltərənin yeni xarici işlər naziri Elizabet Trus deyib.

"Demokratik dünya nizamı çətin bir seçimlə üzləşir: pisniyyətli qüvvələr qarşısında geri çəkilib səngərlərdə oturmaq və ya azadlıq uğrunda birləşmək. G7 və NATO, Sakit okean tərəfdaşlarımız Avstraliya, Yaponiya və Meksika, böyük demokratik güc Hindistan, BMT, İsrail və dünyadakı digər dostlarımızla əlaqələri genişləndirərək iqtisadi güc mübarizəsini udmalıyıq. Cənubi Koreya, Körfəz ölkələri, eləcə də SSRİ-dən ayrılan və azadlıqları uğrunda mübarizə aparan dövlətləri də qazanmalıyıq", - deyə o bildirib.