Dəməşq məhkəməsi 5 adam haqqında edam qərarını açıqlayıb. "Suriyada terrora dəstək vermək və terror təşkilatları qurmaqda" ittiham olunan şəxslər arasında Dünya Müsəlman Alimlər Birliyinin sədri, misirli alim Yusif əl-Qərdavi də var.

Axar.az xəbər verir ki, haqqlarında edam qərarı verilən şəxslərin siyahısına Əsəd rejimi ilə döyüşən, Suriya Milli Koalisiyasının üzvü Mişel Kilonun da adı salınıb. Hər iki şəxs terrora dəstək vermək, Suriya xalqını müharibəyə sürükləməkdə günahlandırılır.

Xatırladaq ki, Misir Prezidenti Əbdülfəttah Sisi də Qətərdə yaşayan Qərdavi üçün ölüm hökmü çıxarıb. Misir məhkəməsi Qərdavini devrilmiş prezident Məhəmməd Mursiyə dəstək verməkdə günahlandırır.