13:01

PKK terror təşkilatı Türkiyənin Şırnak vilayətinin Silopi rayonunda 15 nəfəri qaçırıb.

Axar.az xəbər verir ki, terrorçular bu gün səhər saatlarında rayonun Cudi dağında yerləşən "Silopi Elektrik" şirkətinə məxsus fabrikə basqın edib.

Nəticədə fabrikdə olan 6 aparat yandırılıb və 15 işçi qaçırılıb.

Qeyd edək ki, türk ordusu gecə saatlarında PKK-nın Şimali İraqdakı düşərgələrini bombalayıb. PKK isə bu hücumla atəşkəs dövrünün başa çatdığını açıqlayıb.

***

PKK terror təşkilatı dünən girov götürdüyü polis işçisi Vedat Kaya və 4 həkimi bu gün azad edib.

Bu gün isə fabrikə hücum edərək aparatları yandırıb 15 işçini girov götürən terrorçular bir müddət sonra fəhlələri azad ediblər.