Əfqanıstanda Taliban hökumətinin hələ ki, heç bir ölkə tərəfindən tanınmamasını əfqan xalqının haqlarının qəsb edilməsi kimi qəbul edirik.

Axar.az xəbər verir ki, bunu Türkiyədə səfərdə olan Əfqanıstan xarici işlər naziri vəzifəsini icra edən Əmirxan Muttaki deyib.

O bildirib ki, istər Dohada ABŞ və AB nümayəndələri ilə keçirilən görüşlərdə olsun, istərsə də Türkiyədəki iclaslarda biz bunu dilə gətirmişik:

“Dünyada güc tətbiq etməklə, hərbi qiyamla və yaxud bir ailənin seçkilərə təzyiq göstərməsi ilə qurulan dövlətlər var. Niyə bunlar rəsmən tanınır, Əfqanıstandakı faktiki hökumət tanınmır? Bizə görə bu vəziyyət əfqan xalqının haqlarının qəsb edilməsidir. Bu vəziyyət Əfqanıstan iqtisadiyyatına mənfi təsirlər göstərir. ABŞ tərəfindən blok edilən pullar sərbəst buraxılmalıdır. Əgər iqtisadiyyatımız yaxşılaşarsa, o zaman Əfqanıstan bölgədə iqtisadiyyatın və əlaqələrin gücləndirilməsində çox əhəmiyyətli rol oynaya bilər”.