Dünyanın ən yüksək gəliri olan 100 silah şirkəti siyahısında 7 rus şirkəti də var.

Axar.az "Difens nyus"a istinadən xəbər verir ki, Rusiyanın "Almaz-Antey", "Uralvaqonzavod", "Rusiya Helikopterləri", "Rusiya Birləşmiş Təyyarə", "Birləşmir Motosiklet", "RTİ Sistemlər" və "Taktika Mərmiləri" şirkəti dünyanın ən çox qazanan müdafiə şirkətləri arasındadır.

Siyahının ilk 3 şirkətindən ikisi ABŞ-ın "Lokhid Martin" və "Buinq" müəssisəsidir. Üçüncü yerdə isə İngiltərənin "BAE Sistems" şirkəti qərarlaşıb. Rusiyanın "Almaz-Antey" şirkəti 9,2 milyard dollarlıq gəlirlə 11-ci yerdə, "Birləşmiş Təyyarə" şirkəti 6,2 milyard dollarla 14-cü, helikopter istehsalı ilə məşğul olan "Rusiya Helikopterləri" şirkəti isə 3,96 milyard dollarla 23-cü yerdədir.

"Birləşmiş Motosiklet" şirkəti 3,3 milyard dollarla 26-cı, "Taktika Mərmiləri" şirkəti 2,8 milyard dollar gəlirlə 31-ci, tank istehsalı ilə məşğul olan "Uralvaqonzavod" 1,54 milyard dollarla 52-ci, RTİ şirkəti isə 947 milyon dolarla 69-cu sırada yer alır.