"Türkiyənin İŞİD, Nusra Cəbhəsi və ya Əl-Qaidə terror təşkilatları ilə mübarizə aparmaq istəyi real deyil".

Axar.az xəbər verir ki, Dəməşq rejimi Türkiyənin Suriyada İŞİD-ə qarşı apardığı əməliyyatlara ilk münasibətini bildirib.

Suriya rejimi Türkiyənin son günlər apardığı əməliyyatlara şübhə ilə yanaşır:

"Türkiyə bəlkə başqa daxili səbəblərə görə İraq və Suriya kürdlərini vurmağı hədəfləyir? - Türkiyə Suriyada tökülən qanlara görə məsuliyyət daşıyır. Onlar terrorçu qruplara dəstək verirlər. Suriya illər boyu terrorizmin milləti, dini, sərhədləri olmadığını deyib və onların geri dönəcəyi ilə bağlı xəbərdarlıq edib. Təəssüf ki, son zamanlar terrorçuların geri döndüyünün şahidi oluruq".